Bullshitfilteret – om kjønnsroller i media

Del 1: Førlesing steg 1

1. Før du les utdraget frå Bullshitfilteret, skal du finne ut korleis dei sosiale media dine ser ut. Undersøk det sosiale mediet du bruker mest. Noter ned svar (stikkord) på desse spørsmåla:

   • Kva handlar videoane du får opp om? (til dømes fotball, sminke og så vidare)

   • Kva slags bilete er det på dei sosiale media dine?

   • Kva slags reklamar får du opp?

2. Set dykk i grupper. Det kan gjerne vere både gutar og jenter i gruppene. Samanlikn funna.

3. Diskuter: Får gutane og jentene opp ulikt innhald?

Del 2: Førlesing steg 2

I utdraget frå Bullshitfilteret stiller forfattaren Oda Faremo Lindholm ein del spørsmål til lesaren. Gå saman i grupper og diskuter desse spørsmåla før de les:

1. Er de einige i at artiklar, reklamar, bilete og tekst ofte ser ut til å vere retta mot anten gutar eller jenter?

2. Kva om du ikkje passar inn i desse tronge kjønnsbåsane, då? Er det i så fall du som er rar?

3. Kva for nokon typiske kvinnelege eigenskapar viser media fram?

4. Kva er dei typisk mannlege eigenskapane i media?

5. Treng vi eigen jente-LEGO? Grunngi svara.

6. Finn ut kva det samansette ordet Bullshitfilter betyr. Det er sett saman av det engelske ordet "Bullshit" og det norske ordet "filter".

Del 3: Les Bullshitfilteret

Les utdraget frå Bullshitfilteret. Utdraget har ordforklaringar øvst. Det kan vere lurt å ha desse framfor seg mens de les.

Vi foreslår at de les slik:

Sit i par. Les den første sida stille inni dykk.

Diskuter innhaldet på sida kort:

1. Fortel kvarandre kva teksten handla om.

2. Kva meiner de er bodskapen på sida?

3. Er de einige eller ueinige i det som står?

Gå fram slik side for side heilt til de er ferdige med utdraget.

Del 4: Jobb med teksten

Svar på desse spørsmåla skriftleg:

1. Kva meiner du er bodskapen i teksten du har lese? Altså: Kva vil forfattaren fortelje deg, lære deg?

2. Forfattaren meiner media er for oppteken av kjønn. Skriv ned alle døma ho bruker for å vise dette.

3. Kva meiner forfattaren når ho skriv om eit "bullshitfilter"?

4. Kvifor bruker forfattaren tre ulike bilete av LEGO-reklame?

Del 5: Sjekk dei sosiale media dine igjen

1. Sjå gjennom dei sosiale media dine igjen. Skriv ned det du tenker er "bullshit", ifølge Lindholm. Legg særleg merke til

   • reklame som er retta mot kva kjønn du er (som set deg i bås)

   • reklame og videoar som er retusjerte – altså at bileta er endra på for å sjå betre ut – til dømes at tennene er kvitare og huda glattare

2. Samanfatt det de har funne ut i klassen.