Øv på "det" saman med "at" og "å"
Dette er ein del av ein læringssti. Les fagartikkelen "Det i at-setningar og infinitivskonstruksjonar" før du gjer oppgåvene.
På norsk er det betre å seie "Det er greitt at han kjem" enn "At han kjem, er greitt". Derfor skal du no øve på å lage setningar som startar med "det" og sluttar med ei at-setning.
Døme:
At vi kjenner han, er koseleg.
Svar: "Det er koseleg at vi kjenner han."
Gjer setningane med infinitivskonstruksjonane først i setninga om til det-setningar.
Døme:
Å spele fotball er gøy.
Svar: Det er gøy å spele fotball.
A. Fortel om deg sjølv
Sit i par eller grupper. No skal de fortelje om dykk sjølv ved å bruke at- og å-setningar. Under ser du starten på nokre det-setningar med "at" og "å". Fullfør setningane med fakta om dykk sjølv. Gjer oppgåva munnleg.
Når eg har fri, synest eg det er gøy å...
På skulen liker eg at det ...
Når eg er på internett, er det eg liker å ...
Eg synest at det beste å ete til frukost, er ...
For meg er det veldig viktig å ...
Heime synest eg det er fint at ...
B. Lag setningar med det, at og å
Hald fram med å jobbe i par eller grupper. Prøv å lage minst fem det-setningar med "at" eller "å".
Alle para/gruppene skriv setningane på tavla. Gi kvarandre tilbakemelding på om de har klart å lage gode setningar. Sjå spesielt på ordstillinga.