Skogsdrift: Hogst og køyring av tømmer (i 360)
Maskinell skogsdrift står for det meste av avverknaden i Noreg i dag. Hogstmaskina feller og kvistar treet og kappar tømmeret. Årleg blir det hogge mellom 9 og 11 millionar kubikk tømmer i Noreg. Hogstmaskiner tek seg av hogsten av omtrent 95 prosent av dette volumet.
Tømmeret blir køyrt til skogsbilveg med lassberar. På velteplassen ved vegen blir tømmeret lagt opp i veltar (eller lunner). Dei ulike sortimenta blir lagde i kvar sine lunner. Tømmeret skal ligge slik at tømmerbilen kan stå på vegen og lesse opp med kran.
Under arbeidet skal det takast omsyn til miljøet, og skogbruket følger eigne miljøstandardar for korleis arbeidet skal utførast.
Bileta og filmane i denne ressursen er frå hogst og køyring utført i undervisningssituasjon ved Solør videregående skole Sønsterud. Takk til elevar og lærarar som har bidrege.
Relatert innhald
Skogen er ein fornybar ressurs. Skogdrifta må vere berekraftig, og skogbrukaren må kjenne økologien til skogen og ta vare på miljøet.
I dette emnet følger vi prosessen frå treet blir planta i skogen til det blir hogge, omarbeidd i industrien og endar opp som ferdige byggemateriale.