Film og filmklipp
Sikker dyrehandtering
I denne filmen ser vi korleis vi kan jobbe på ein sikker måte når vi steller store dyr. Målet med sikker dyrehandtering er å redusere talet på ulykker og yrkeslidingar og dermed sikre trivsel og lønsemd i næringa.
Video: Filmkonsulentene, Extreme Music / CC BY-NC 4.0
- Kva kan vere årsaka til at ulykkesstatistikken i landbruket har endra seg frå først og fremst å gjelde ulykker med store maskiner til meir og meir å knyte seg til handtering av store dyr?
- I kva situasjonar skjer dei fleste ulykker ved handtering av storfe?
- Forklar kvifor det er viktig å bruke mykje tid på dyra når dei er små.
- Kva vil det seie å fiksere eit dyr? I kva situasjonar kan vi ha bruk for å fiksere ei ku?
- Ein risikoanalyse seier noko om dette:
Kva kan skje?
Kor sannsynleg er det?
Kva er konsekvensen viss noko skjer?
Korleis kan vi førebyggje dei ulike hendingane?- Finst det ein slik risikoanalyse i fjøset på skulen eller andre fjøs du kjenner til?
- Basert på det du lærte i filmen: Set opp ein risikoanalyse over dei farlegaste situasjonane i fjøset og korleis hendingane kan førebyggjast.
- Ta utgangspunkt i fjøset på skulen eller eit anna fjøs du kjenner. Kva finst av utstyr for sikker dyrehandtering i dette fjøset?
- Forklar korleis du kan flytte eit dyr ved bruk av kunnskap om balanselinja hos dyret. I kva situasjonar vil du ha bruk for desse evnene?
- Kva bør du tenkje på når du går rundt i eit fjøs?
- Når vi handterer dyr, er det viktig at vi les dyret før vi nærmar oss. Gi døme på signal du kan få frå dyret.
- Beskriv korleis du kan prege ein hest slik at han blir sikker og trygg.
- Forklar korleis du vil nærme deg ein hest.
- Kvifor er det viktig at vi har heile merksemda vår på dyret når vi handterer det?