Oppgåve
Diskuter animasjonsfilmar
Undersøk korleis animasjonsfilmen fortel, slik vanleg film ikkje kunne ha gjort.
Animasjonsfilm kan bli laga med ulike filmteknikkar. Bilete: Anita Killi / Avgrensa bruksrett
- Gå saman i gruppe og diskuter korleis regissør og animatør skaper spenning ved å bruke cut-out-teknikken. Tenk på bruken av tekstil, ansiktsuttrykk og bevegelse når de diskuterer.
- Kva for forteljargrep bruker filmskaparane for å formidle fantasiane til Boj i filmen?
- Kva for fordelar har animasjonsfilm når det gjeld å nå ut til barn med eit så alvorleg tema som familievald?
- Vel ei scene de vil sjå litt nærmare på. Kor viktig trur de storyboardet har vore i produksjonsprosessen?
- Gå saman i gruppe og diskuter korleis regissør og animatør skaper spenning ved å bruke teiknefilm. Tenk på bruken av lydopptak og bevegelse når de diskuterer.
- Kva for forteljargrep bruker filmskaparane for å formidle kjenslene til barna i filmen?
- Kva fordelar har animasjonsfilm når det gjeld å behandle ekte historier frå barn?
- Kva tenkjer de om lydsporet i filmen? Har dialogen blitt spelt inn i forkant eller i etterkant av animasjonen?
Relatert innhald
Kjeldemateriale
Sinna mannNorsk animasjonsfilm av filmskapar Anita Killi om vald i nære relasjonar. Filmen er basert på ei biletbok av Gro Dahle og Svein Nyhus.