Studer forteljemåtar i dokumentarfilm

Gå saman i grupper på tre til fire personar.

Vel ein av dei foreslåtte dokumentarfilmane i lista under, eller finn ein dokumentarfilm på NDLA film eller ei anna filmteneste. Sjå filmen åleine eller saman med gruppa, anten heime eller på skulen.

• The Swedish Theory of Love

• Kroppen min

• iHuman

• Bully

• 69 minutter av 86 dager
  

Ta notat mens du ser dokumentarfilmen. Forsøk å svare på desse spørsmåla:

• Korleis er forteljemåten i filmen? Bill Nichols hevdar det finst seks ulike forteljemåtar: deltakande, observerande, foredragsaktig, poetisk, framførande og refleksiv.
  Følger filmen ein viss type stil, eller blandar filmskaparen forteljemåtar? Les meir i fagartikkelen "Forteljemåtar i dokumentarfilm".

• Korleis er filmen bygd opp? Vurder dramaturgien. Er han lineær, lausriven, sirkelkomponert (at filmen byrjar og sluttar på same måte), inspirert av APUS-modellen eller Hollywood-modellen?

• Kva er bodskapen? Kva er hensikta og funksjonen til filmen?

• Finn du andre typiske verkemiddel? Studer til dømes bruken av kamera, bilete, lys, lyd og klipping. Skil filmen seg frå andre dokumentarfilmar du har sett?

Samanlikn notata dykkar i gruppa. Diskuter forteljemåte, dramaturgi, bodskap og bruken av verkemiddel i dokumentarfilmen de har studert. Kva er de einige om, og kva er de ueinige i?

Finn fram til ein scene i dokumentarfilmen som eksemplifiserer det de har diskutert i punkt 3. Vis klippet i klassen og forklar observasjonane dykkar grundig slik at dei andre kan lære av dykk.