– Lag eit kart slik at kundane finn fram
Mange frå nabokommunane har høyrt positivt rykte om frisørsalongen nærast deg og kjem no reisande for å klippe seg. Det er berre eit problem: Folk slit med å finne fram. Det er hovudsakleg kvinner og menn i alderen 25–40 år som kjem, og dei bruker mobilen for å finne informasjon om plasseringa.
Sidan kundane ikkje finn noko godt kart, kjem mange av dei for seint til timen, og fleire blir rett og slett litt sure. Gateadressa er ikkje oppdatert på Google Maps.
Oppdraget frå dagleg leiar dukkar opp i ei melding på mobilen din:
Lage eit trendy og fint kart med nokre landemerke som også viser vegen til frisørsalongen frå nabokommunane.
- Hent inspirasjon frå og undersøk kart som er laga av andre, med grafiske element som attraksjonar og landemerke.
- Jobb med skisser og hent inspirasjon frå fleire ulike kart.
Lag fleire ulike skisser. Vis fram skissene til andre og få tips og rå. Gå vidare med éin av idéane.
Produser eit publiseringsklart kart. Lever kartet og vis i tillegg korleis det vil sjå ut på mobilen.
- Kartet skal gjere det enklare å finne fram.
- Kartet må vise vegen frå dei næraste nabokommunane.
- Kartet skal passe til mobilvisning.
- Målgruppa er menn og kvinner i alderen 25–40 år.