Banner til ei utstilling om stilhistorie

Klassen skal lage banner til ei utstilling om ulike periodar i stilhistoria. Bli einige om kva for periodar de vil ha med, og fordel kven som tek ansvar for kva periode. Lag designet til banneret digitalt, og skriv det ut som plott i målestokk 1:1. Klassen bestemmer kva for storleik de vil ha på bannera. (Elevarbeida under blei laga i 60 gonger 120 cm.)

Innhald:

Banneret skal innehalde:

• namn på perioden
• tidsrommet perioden dominerte
• kort informasjon om perioden, gjerne i stikkordsform
• bilete som illustrerer det typiske for perioden

1. Finn ut kva som kjenneteiknar perioden du skal lage eit banner til.
2. Vel ein fargepalett som passar til perioden.
3. Finn bilete som viser kjenneteikn frå perioden. Pass på at bileta har ein lisens som gjer at du har lov til å omarbeide dei.
4. Lag minst tre designskisser til banneret. Tenk på grafisk design, typografi og komposisjonsprinsipp.
5. Vel ei av skissene, og jobb vidare med designet i Illustrator eller eit anna redigeringsprogram.
6. Sjå på innhaldet og designet saman med læraren din, før du gjer banneret ferdig til trykk.
7. Les korrektur og lagre fila som PDF før du skriv ut.
8. Skriv ei vurdering av prosessen din og det ferdige banneret. Korleis har du fått fram perioden i designet ditt?

• designskisser
• ferdig banner
• eigenvurdering

Elevarbeid frå Vågen vidaregåande skule

• Maskinlesbarfil_ stilperioder banner(PDF)