Medietilsynet har tal på kor mange 13–18-åringar som får nakenbilete, og kven dei får slike bilete frå. I Medietilsynets undersøking Barn og medium 2022 har cirka 3 200 9–18-åringar frå 78 skular over heile landet delteke. Denne viser at mange ungdommar blir utsette for digitale krenkingar.

1. Kva seier undersøkinga om digital blotting?

Informasjonen nedanfor viser nokre av resultata frå undersøkinga. Les han grundig.

13–18-åringane i undersøkinga fekk ulike spørsmål knytte til deling av nakenbilete: om dei har fått tilsendt nakenbilete av andre, og om nokon har spurt om dei kan dele nakenbilete av seg sjølve.

Forskjellar mellom gutar og jenter og ulike aldersgrupper når det gjeld andelen som har fått tilsendt eller blitt spurt om dei kan sende/dele nakenbilete:

Kven sende nakenbilete, og kven spurte om nakenbilete, ifølge dei som hadde fått eller blitt bedne om å sende nakenbilete:

2. Spørsmål til grafikken

Jobb gjerne åleine til å byrje med, og diskuter sidan i grupper eller i klassen.

Kva tal og fakta overraskar deg mest?
Kor mange prosent av 13–18-åringar har fått tilsendt nakenbilete av andre? Kva tenker du om dette talet?
31 prosent av dei som fekk spørsmål om å sende eller dele eit nakenbilete, vart spurde av ein ukjend på nettet. Kva tenker du om denne utviklinga?
Er digital blotting ei utfordring i samfunnet vårt? Kvifor (ikkje)?
Korleis kan digital blotting stoppast?

Digital blotting er ulovleg

Det er ulovleg å sende nakenbilete til nokon som ikkje har samtykt.
Det er ulovleg å ta, ha og dele nakenbilete av nokon under 18 år.
Seksualiserte bilete skal uansett ikkje sendast til barn under 16 år.
Blir du utsett for digital blotting, kan du ta eit skjermbilete og melde saka til politiet.

Kjelder

Medietilsynet. (2020, 19. mai). Ny undersøkelse fra Medietilsynet: Ungdom utsettes for digital blotting. https://medietilsynet.no/om/aktuelt/ny-undersokelse-fra-medietilsynet-ungdom-utsettes-for-digital-blotting

Medietilsynet/Kantar. (2022, 11. oktober). Barn og medier 2022. Nakenbilder. https://www.medietilsynet.no/globalassets/publikasjoner/barn-og-medier-undersokelser/2022/230111-resultatdokument-nakenbilder-barn-og-medier-2022.pdf

Velsand, M. (2020, 25. mai). Snakk med barnet ditt om digital blotting. Aftenposten. https://www.aftenposten.no/meninger/debatt/i/aw6LO7/snakk-med-barnet-ditt-om-digital-blotting-mari-velsand

Digital dømmekraft og nudes på avvegar