Oppgåve
Refleksjon over medieproduksjonsprosessen
Vurder og reflekter over eigne medieproduksjonar du har erfaring frå.
Bilete: Tom Knudsen / CC BY-SA 4.0
- Kva er den største suksessen og den største tabben din i arbeidet med medieproduksjon så langt?
- Korleis kan du sikre deg mot tabbar i framtida?
- Kva er forskjellane på konsekvensane av å gjere ein tabbe når du produserer som medieelev, versus når du produserer for mediebransjen?
Sjå på årsplanen og vel deg ut ein medieproduksjon de skal i gong med. Planlegg produksjonsprosessen.
Du kan for eksempel lage eit skjema der du punktvis skriv ned kva du må hugse på i ulike fasar. Bruk gjerne tips frå artikkelen «Sjekkpunkt i elevproduksjonar».
Gjennom å dokumentere og reflektere over produksjonsprosessane du har gjennomført som medieelev, får du systematisert erfaringane dine. Slik vil kvar nye prosess kunne gjennomførast med stadig større flyt.