Skriftleg oppgåve: Medieforteljingar som skaper respekt og forståing

Målet med oppgåva er at du skal

• vise at du kjenner til og kan nytte sentrale omgrep og teoriar

• øve deg på å vurdere faktabaserte og fiksjonsbaserte medieforteljingar i eit kritisk perspektiv, og avsløre stereotypiar og fordommar

• forstå kvifor det er viktig at medieforteljingar skaper respekt og forståing mellom folk og kulturar

• trene på å skrive meldingar og essay

Definer og gi døme på desse omgrepa

• stereotypi

• fordom

• toleranse

• postkolonialisme

• diskurs

Skriv ei kort melding av ei medieforteljing som du meiner bidreg til fordommar mot menneske frå andre land og verdsdelar. Meldinga skal vere på maks 300 ord og kunne publiserast i skuleavisa eller på Aftenposten si ungdomsside Si ;D.

Skriv eit personleg essay om medieforteljingar som skaper forståing og respekt for menneske som tilhøyrer framande kulturar og religionar.

Essayet er ein sjanger der du har lov til å hente erfaringar frå eigne lesar-, lyttar- og sjåaropplevingar.