Skriftleg oppgåve: Demokrati, mediesystem og mediemangfald

Målet med oppgåva er

• å vise at du kjenner til sentrale trekk ved internasjonal mediestruktur

• å vise at du forstår samanhengen mellom mediesystemet og styresettet i eit land

• å vise at du kan reflektere over samanhengen mellom eigarskap, mediesystem, ytringsfridom og demokrati og om internasjonal mediepolitikk

Forklar desse omgrepa og gi døme:

• demokratisk styresett

• autoritært styresett

• totalitært styresett

• mediesystem

• mediemangfald

Lag eit fakta-ark som kan hengjast opp i klasserommet.

Fakta-arket skal bestå av ei overskrift, ein ingress og ein tabell som i stikkordsform viser dei viktigaste forskjellane mellom mediesystema i land med demokratisk styresett, autoritært styresett og totalitært styresett.

I norsk mediepolitikk er det viktig å sikre at vi har mediemangfald. Dette er grunngitt med at mediemangfald styrkjer demokratiet og ytringsfridommen.

Drøft i kva grad eigarkonsentrasjon i den internasjonale mediemarknaden er eit demokratisk problem, og om mediemangfald alltid er ein garantist for ytringsfridom.

I drøftinga skal du vise til døme frå ulike land.