Oppgåve
Studer pressefoto frå krig og kriser
Gjer deg kjend med sentrale nyheitsbilete, vel eitt bilete du utforskar nærmare og reflekter over pressefotografen si rolle i nyheitsdekninga av krig og kriser.
- Studer bileta og tekstane i biletserien.
- Diskuter med andre kva generell betydning nyheitsbilete har og kvifor. Bruk biletdøme både frå biletserien og frå andre nyheiter som argument i diskusjonen. Ta notat frå diskusjonen.
- Kva for bilete får du lyst til å vite meir om? Kva ønskjer du å vite?
- Skriv ned spørsmåla.
- Samanlikn spørsmåla med andre.
Plukk ut eitt av bileta i biletserien – eller eit anna nyheitsbilete som har gjort inntrykk på deg.
- Beskriv biletet og forklar kvifor det gjer inntrykk på deg.
Finn ut så mykje informasjon som mogleg om biletet. Bruk gjerne spørsmåla og notata frå oppgave 2 som utgangspunkt. Her er andre spørsmål du kan finne ut av:
- Kven er fotograf? Kva for val har fotografen teke?
- Kvar blei biletet opphaveleg publisert?
- Kva for krig eller krise dekkjer det?
- Kva kjenneteiknar denne krigen eller krisa?
- Kva for betydning har biletet for hendinga det rapporterer om?
- I kva for samanhengar blir det brukt i dag?
- Førebu ein samtale om to bilete med ein medelev under tittelen: Kva for rolle har pressefotografen i nyheitsdekning av krig og kriser?
- Skriv manus
- Øv
- Kutt ned samtalen til 3–5 minutt
- Skriv om manus mens de øver
- Framfør samtalen for klassen eller gjer eit lydopptak av han.