Halvbroren
- Halvbroren episode 1
- Halvbroren episode 2
- Halvbroren episode 3
- Halvbroren episode 4
- Halvbroren episode 5
- Halvbroren episode 6
- Halvbroren episode 7
- Halvbroren episode 8
Vi møter Barnum i etterkrigstidas Oslo. Han bur saman med den eldre halvbroren Fred i ein heim dominert av tre generasjonar kvinner. Familiehistoria er prega av mange fråverande menn gjennom tidene, og plutseleg ein dag forsvinn også Fred. Barnum blir nøydd til å ta eit oppgjer med familiefedrene sine synder, og blir besett av å finne halvbroren sin att.
TV-serien Halvbroren oppnådde stor suksess då den blei vist på NRK 1 i 2013. Han fekk femmarar og seksarar på meldarane sine terningar, og over ein million sjåarar fulgte serien medan han gjekk føre seg. Serien blei også godt motteken i utlandet og blei seld til 13 land. Han vann blant anna sju prisar under Gullruten 2013, og Beste miniserie i Seoul International Drama Awards. Serien blei også nominert til Beste europeiske drama under Prix Europa i Berlin.
Serien er basert på ein roman av Lars Saabye Christensen, som brukte over 20 år på å skrive han. Boka kom ut hausten 2001 og hausta også ei rekkje prisar.
Relatert innhald
Les om romanen Halvbroren av Lars Saabye Christensen og sjå alle episodane av dramaserien Halvbroren på NDLA.
Lær om forteljarperspektiv og dramaturgi i dramaserien Halvbroren.