Skrivemal som støtte i filmanalyse

Alle skriftlege analysar skal ha ei innleiing, ein hovuddel og ei avslutning. Kvar del bør innehalde kortare avsnitt med mellomtitlar som illustrer poenga i analysen.

I norskfaget får du gode tips til korleis du kan byggje opp eit avsnitt i ein analyse.

Vel gjerne ein av desse fiksjonsfilmane som utgangspunkt for analysen:

• Ninjababy (norsk komedie frå 2020)

• Hva vil folk si (norsk drama frå 2017)

• Børning (norsk actionkomedie frå 2014)

• De urørlige (fransk dramakomedie frå 2011)

• Bawke (norsk kortfilm frå 2005)

• Bendik og Monsteret (norsk animert kortfilm frå 2014)

• Krigens unge hjerter (tysk fjernsynsdrama frå 2013 i seks episodar)

Bruk malen nedanfor til å øve deg i å strukturere ein skriftleg filmanalyse.

Skriv samanhengande i malen, og eksporter til slutt dei ulike avsnitta som eit samanhengande dokument. Dette dokumentet må du vidareutvikle og redigere i etterkant.

Problemstilling: Korleis er forteljeteknikk, dramaturgi og verkemiddel med på styre opplevinga di av filmen?

Avgrens: Formuler di eiga problemstilling innleiingsvis som hjelp til å avgrense arbeidet med utforskinga av filmen.

Ikkje alle punkta i malen vil vere like aktuelle. Det kan vere enkelte verkemiddel i ein film som er spesielt viktige. Då bør du utdjupe desse og heller utelate andre. Ein del punkt kan du gjerne slå saman og sjå i samanheng. Er det til dømes ein samanheng mellom bruk av biletutsnitt og dramaturgi? Er lyssetjinga og iscenesetjinga knytte til ein bestemd stil eller sjanger?