Øving
Idéutvikling i tekstar
Idéfasen, det du gjer før du byrjar å skrive på sjølve teksten, er kanskje den viktigaste arbeidsfasen. Det gjeld alle teksttypar og sjangrar, men ikkje minst når du skal skrive kreative sjangrar som kåseri og essay.
Å utvikle eigne idéar inneber ofte å hente inspirasjon frå fleire stader og "stele idéar" som du vidareutviklar. Bilete: junkii / CC BY-NC 4.0
I teksttypar og sjangrar der du skal ta for deg eit tema frå fleire ulike innfallsvinklar, er det lurt å bruke eigne tankar og assosiasjonar, men også andre kjelder for å finne informasjon og inspirasjon. Jo meir du gjer ut av dette forarbeidet, dess enklare er det å få idéar til korleis du kan skrive om temaet.
Det er viktig at du i denne idéfasen skriv ned alle tankane, innspela og informasjonen som stikkord, utan å avgrense kva som skal med. Alt er relevant i denne fasen. Det er først når du skal byrje å strukturere og skrive teksten din at du skal velje ut kva du vil bruke.
- Du kan skrive rett inn i skriveboksane i denne malen.
- Når du er ferdig med øvinga, eksporterer du heilt enkelt det du har skrive til eit tekstbehandlingsprogram, og så lagrar du teksten på din eigen PC.