PFU: Pressens faglige utvalg

• Pressens faglige utvalg (PFU) skal overvake og fremje den etiske og faglege standarden i norsk presse.
• PFU er oppretta av Norsk Presseforbund.
• PFU består av sju medlemmer: fire frå pressa og tre frå allmenta.
• Dei fleste europeiske land har liknande ordningar.

Pressens faglige utvalg skal sørgje for at pressa følgjer god presseskikk og reglane i Ver Varsam-plakaten. Pressa har sjølv pålagt seg eit ansvar for å vere etisk i arbeidet sitt, og retningslinjene for etikken er nedfelt i Ver Varsam-plakaten. Ver Varsam-plakaten blir lagt til grunn for PFU sine vurderingar og utsegner.

Presseetikk og medias sjølvdømmeordning må ikkje forvekslast med rettslege standardar og domstolsbehandling. Media får ikkje straff i form av bøter, men brot på god presseskikk betyr at media må publisere ei fellande fråsegn på ein godt synleg plass. Eit vedtak i PFU kan ikkje ankast.

Med denne ordninga er det pressa sjølv som vurderer om presseetiske overtramp har skjedd. Pressa driv sjølvjustis, det er pressa sjølv som skal sørgje for at dei etiske retningslinjene blir følgde. Ut frå prinsippet om fridom og sjølvstende kan ikkje pressa overføre denne oppgåva til staten.