Logaritmesetningane. Forenkling av logaritmeuttrykk.

Dei tre logaritmesetningane

Utleiing av første logaritmesetning

Definisjonen av logaritmar gir at $a={10}^{\lg a}, b={10}^{\lg b} \mathrm{og} a·b={10}^{\lg \left(a·b\right)}$.

Reglane for potensrekning gir vidare at $a·b={10}^{\lg a}·{10}^{\lg b}={10}^{\lg a+\lg b}$.

Vi har då to uttrykk for $a·b$, og desse uttrykka må vere like.

${10}^{\lg \left(a·b\right)}={10}^{\lg a+\lg b}$

To like potenser med same grunntal må ha like eksponentar.

Det tyder at $\lg \left(a·b\right)=\lg a+\lg b$.

Utleiing av andre logaritmesetning

Definisjonen på logaritmar gir at $a={10}^{\lg a}, b={10}^{\lg b} \mathrm{og} \frac{a}{b}={10}^{\lg \left(\frac{a}{b}\right)}$.

Reglane for potensrekning gir vidare at $\frac{a}{b}=\frac{{10}^{\lg a}}{{10}^{\lg b}}={10}^{\lg a-\lg b}$.

Vi har då to uttrykk for $\frac{a}{b}$, og desse uttrykka må vere like.

${10}^{\lg \left(\frac{a}{b}\right)}={10}^{\lg a-\lg b}$

To like potenser med same grunntal må ha like eksponenter.

Det tyder at $\lg \left(\frac{a}{b}\right)=\lg a-\lg b$ .

Utleiing av tredje logaritmesetning

Definisjonen på logaritmar gir oss to skrivemåtar for $a^x$

$a^x={10}^{\lg a^x} \mathrm{og} a^x={\left({10}^{\lg a}\right)}^x$

Reglane for potensrekning gir vidare at

${\left({10}^{\lg a}\right)}^x={10}^{\left(\lg a\right)·x}={10}^{x·\lg a}$

Vi har då to uttrykk for $a^x$ , og desse to uttrykka må vere like.

${10}^{\lg a^x}={10}^{x·\lg a}$

To like potenser med same grunntal må ha like eksponentar.

Det tyder at $\lg a^x=x·\lg a$ .

Forenkling av logaritmeuttrykk

Vi viser berre korleis vi forenklar uttrykk med briggske logaritmar, men rekninga blir den same om lg er erstatta med ln.

Døme 1

Vi ønskjer å skrive uttrykket

$\lg x+\lg x^2$

så enkelt som mogleg. Sidan logaritmar berre er definerte for positive tal, må vi her gå ut frå at $x$ er større enn null sjølv om $x$ kan vere negativ i uttrykket $\lg x^2$.

Vi kan skrive om uttrykket $\lg x^2$ ved hjelp av logaritmesetninga$\lg a^x=x\lg a$. Då får vi

$\lg x+\lg x^2=\lg x+2\lg x=3\lg x$

Døme 2

Vi ønskjer å skrive uttrykket

$\lg 4x+4\lg \frac{2}{x}-\lg x^3+2\lg \sqrt{x}$

så enkelt som mogleg. Sidan logaritmar berre er definerte for positive tal, må vi her gå ut frå at $x$ er større enn null.

$\begin{array}{rcl}\lg 4x+4\lg \left(\frac{2}{x}\right)& - & \lg x^3+2\lg \sqrt{x}\\ & & \\ & =& \lg 4+\lg x+4\left(\lg 2-\lg x\right)-3\lg x+2\lg x^{\frac{1}{2}}\\ & & \\ & =& \lg 2^2+\lg x+4\lg 2-4\lg x-3\lg x+2\lg x^{\frac{1}{2}}\\ & & \\ & =& 2\lg 2+\lg x+4\lg 2-4\lg x-3\lg x+\lg x\\ & & \\ & =& 6\lg 2-5\lg x\end{array}$

Her har vi altså brukt at $\sqrt{x}=x^{\frac{1}{2}}$, og vi har trekt saman ledd med $\lg 2$og ledd med $\lg x$ .

Video om logaritmesetningane

Video om forenkling av logaritmeuttrykk