Korleis finne funksjonsuttrykket for ein lineær funksjon ut frå grafen

I koordinatsystemet til høgre har vi teikna grafen av ein lineær funksjon.

Grafen skjer $y$-aksen i punktet $(0, -1)$. Det tyder at $b=-1$.

Hugs at du alltid finn konstantleddet ved å sjå kor grafen skjer $y$-aksen!

Når vi går éi eining til høgre frå $(0, -1)$, må vi gå to einingar opp på $y$-aksen for å treffe grafen. Det tyder at $a=2$.

Funksjonsuttrykket blir derfor $f\left(x\right)=2x-1$.

Legg merke til at vi like gjerne kan ta utgangspunkt i eit anna punkt på grafen for å finne stigingstalet. Vi ser av grafen at vi får same resultat om vi tar utgangspunkt i punktet $(2, 3)$.