Bjørkefoss rideskule lagar anbod

Rideskulen treng meir informasjon om rideleiren dei skal arrangere før dei kan lage anbodet. Kommunen har laga ein kravspesifikasjon der dei beskriv alt som må med i anbodet. Den finn du her:

Bjørkefoss rideskule meiner dei bør ha 11 hestar klare til rideleir. Då har dei nok til 8 deltakarar og 2 leiarar og ein ekstra hest i tilfelle noko skulle skje. Dei veit at kvar hest treng 4 kilo kraftfôr og 8 kilo høy kvar dag i perioden med rideleir. Ein sekk med kraftfôr på 25 kilo kostar 174 kroner. Ein rundball med høy kostar 920 kroner og veg 350 kilo. Prisane er utan meirverdiavgift.

a) Kor mange kilo kraftfôr og høy trengst til saman for å fôre dei 11 hestane i 2 veker? Vi bruker arbeidsveker med 5 dagar.

b) Kor mange heile sekkar kraftfôr og rundballar med høy treng Bjørkefoss til dei 2 vekene med rideskule?

c) Kor mykje kostar det å fôre dei 11 hestane per dag? Hugs å leggje til 25 prosent meirverdiavgift.

a) Rideskulen bereknar at dei skal ha to ridelærarar til stades heile tida. I tillegg får ridelærarane betalt for ein halv time ekstra kvar dag, sidan dei må førebu litt før deltakarane kjem. Kor mange arbeidstimar må rideskulen berekne til saman?

b) Ridelæraren Mads tener 175 kroner per time, mens assistent Aisha tener 16 prosent mindre. Kva blir timelønna til Aisha?

c) Det skal ikkje bereknast meirverdiavgift på rideundervisning. Både Mads og Aisha har frikort og betaler ikkje skatt, men arbeidsgivar må leggje til 10,2 prosent av lønna til feriepengar. Kva blir lønnskostnadene samanlagd for dei to ridelærarane for begge vekene? Rund av svaret til heile kroner.

Hestane må ha utstyr som sal og hovudlag. Utgiftene blir fordelte på ein lengre periode og blir berekna til 640 kroner eksklusiv meirverdiavgift. Utgifter til leige og vedlikehald av stall er 4 000 kroner, og her skal det ikkje leggjast til meirverdiavgift.

Ridehestar må skoast jamleg, og rideskulen bereknar at dei bruker 350 kroner per hest på hovslagar. Veterinærkostnader blir berekna til 200 kroner per hest. Utgiftene er berekna for dei to vekene Bjørkefoss arrangerer rideleir. Både hovslagar- og veterinærtenester skal ha 25 prosent meirverdiavgift i tillegg.

Utgifter til lunsj er 36 kroner per person eksklusiv meirverdiavgift. Rideskulen budsjetterer òg med lunsj til begge ridelærarane. Antibac kostar 195 kroner per flaske eksklusiv meirverdiavgift, og rideskulen treng 3 flasker per veke.

Lag anbodet frå Bjørkefoss rideskule ved hjelp av rekneark. Bruk sjølvkostmetoden, og legg inn 30 prosent forteneste. Sjå løysingsforslag i fila under.

Kva må fortenesta vere i prosent dersom rideskulen ønskjer å halde salsprisen på anbodet rett under 52 000 kroner? Vis utrekning.

Rideskulen får tak i kraftfôr til 5,5 kroner per kilo inklusiv meirverdiavgift. Det blir selt i sekkar på 30 kilo. Set inn dei nye tala i reknearket ditt.

Kva kostnader kan ein prøve å redusere for å vinne anbodet? Presenter forslaget ditt ved hjelp av justeringar i reknearket.