Utarbeide personaer og målretta reklame

Bilete 1

Namn: Mohammed

Alder: 18 år

Stilling: elev på studiespesialisering med realfag, vg3

Familie: mor, far og fire søsken

Type: pliktoppfyllande, lærevillig, sjølvstendig

Skulefagleg: språkleg svak i norsk (har norsk som andrespråk), men sterk i engelsk, er realfagleg sterk

"Eg saknar omgrepslister og ordforklaringar i lesefag som historie og religion."

Siste oppleving: Mohammed skulle lage ei prosjektoppgåve med temaet kolonialisme i historie, men strevde med å få oversikta over innhaldet i temaet, og kva innhald som var viktigast å presentere i oppgåva.

Mål: Mohammed ønsker å studere medisin for å bli lege. Skal han komme inn på legestudiet, må han fullføre vidaregåande skule med beste karakterar i dei aller fleste faga og ha fagleg fordjuping i realfaga.

Bilete 2

Namn: Helge

Alder: 58 år

Stilling: yrkesfaglærar i bygg- og anleggsteknikk, utdanna tømrar og adjunkt

Familie: kone og tre vaksne søner

Type: utrygg på digitale verktøy, trivst best når ting er føreseielege

"Eg skulle ønske vi kunne dele undervisningsopplegg med kvarandre på gamlemåten, ikkje som digitale ressursar."

Siste oppleving: Helge skulle dele ein tverrfagleg ressurs om oppussing av bad i bygg- og anleggsteknikk og matematikk, men synest det var umogleg å forstå korleis han skulle dele ressursen i ei mappe på Min NDLA.

Mål: Helge ønsker at flest mogleg elevar skal bestå med best mogleg resultat. Han ønsker òg at åra på bygg- og anleggsteknikk skal gi elevane hans ein best mogleg start på livet og yrkeskarrieren.

Bilete 3

Namn: Lise

Alder: 16 år

Stilling: elev på helse- og oppvekstfag, vg1

Familie: bur heime hos mor, som er eineforsørgar

Type: usikker, låg sjølvtillit, usjølvstendig, pliktoppfyllande

Skulefagleg: svak lesar, manglar forståing og strategiar for å tileigne seg kunnskap. Har behov for praktisk tilnærming til faga.

"Eg synest lange fagtekstar og lange tekststykke i matematikk er vanskeleg."

Siste oppleving: Lise skulle lese til ei viktig prøve i norskfaget om samansette tekstar, men fann ingen forenkla versjon av teksten.

Mål: Lise ønsker å bli barne- og ungdomsarbeidar. Ho må derfor ha karakteren 2 eller betre i alle fag, og gå to år i lære der ho bruker fagstoffet og viser at ho er eigna i faget for å få fagbrev.

Bilete 4

Namn: Monica

Alder: 36 år

Stilling: lektor på studieførebuande utdanningsprogram

Familie: mann og to små barn

Type: "early adopter", lærevillig

"Eg ønsker å bli betre til å remikse innhald frå ulike stader."

Siste oppleving: Monica fann ein spennande undervisningsressurs på nett som ikkje fungerte for elevane hennar utan remiksing og tilpassing. Moglegheitene for å få til nettopp dette var få, og verktøya tungvinte.

Mål: Monica ønsker å finne og innhente innhald og tilpasse det til eigne behov. Ho ønsker òg å dele eige (tilpassa) innhald.

NDLAs biletrobot er basert på Dall-E 3 frå OpenAI. For å bruke tenesta må du logge inn på Min NDLA. Når du er logga inn, vel du "Prøv robotane våre". I venstremenyen som så kjem opp, vel du "Biletrobot".

Du får no ein tekstboks der du kan skrive ein instruks (prompt) for biletet du ønsker å generere. Når du er nøgd med instruksen, trykker du på "Enter" eller "Send"-knappen for å starte genereringa.

Du kan forstørre biletet ved å trykke på det. Deretter kan du laste det ned ved å høgreklikke og velje "Lagre bilete som" (eller liknande, avhengig av nettlesaren).

Det kan sjå ut som at det er mogleg å ha ein dialog med NDLAs biletrobot, men det stemmer ikkje. Kvar gong du sender inn ein instruks, får du eit bilete basert berre på denne instruksen, og ikkje det du har skrive inn frå før. Du må derfor skrive inn ein fullstendig instruks for kvart bilete (ikkje berre forandringane du ønsker å gjere frå det førre biletet).