Oppgåve

Byt til ein sirkulær forretningsmodell!

Omstilling frå lineær til sirkulær økonomi er viktig for at vi skal kunne nå berekraftsmåla til FN. I tillegg kan det ha positiv effekt på omdømmet og innteninga til ei verksemd å omstille seg til sirkulær økonomi. Men korleis kan ei verksemda gjere det?

Figur av ein sirkel som viser seks fasar i ein sirkulær økonomi. Råvarer er indikert som utgangspunktet for syklusen. Fasane som følger er: 1 design, 2 produksjon, 3 distribusjon og salg, 4 forbruk, bruk, gjenbruk og reparasjon, 5 innsamling og til slutt 6 resirkulering. Sirkelen er deretter slutta med ei pil mot utgangspunktet – råvarer. Ei ekstra pil vender seg ut av sirkelen rett før fasen – resirkulering. Ho er merkt endeleg avfall. Illustrasjon. — Sirkulær økonomi

Oppgåve

Jobb i par eller åleine.

Finn ei verksemd du eller de liker. Bruk modellen for sirkulær økonomi – og fantasien – til å lage forslag til korleis denne verksemda kan gå over til ein sirkulær forretningsmodell.
Lag ei lita bok, gjerne i PowerPoint, som viser korleis verksemda kan gjere dette, og kva fordeler det vil ha for
- miljøet
- menneska
- økonomien
Pynt opp sidene i boka med relevante bilete og tekst.
Presenter boka for kvarandre, og gi kvarandre tilbakemeldingar. Gjer eventuelle endringar ut frå tilbakemeldingane.
Send gjerne dei ferdige bøkene til verksemda det gjeld.
Saml dei ferdige bøkene i eit felles bibliotek (felles mappe).