Alias-oppgåve om lovverk i marknadsføring

Alias er eit spel som går ut på å forklare ord til medspelaren på same lag utan å bruke sjølve ordet. I originalversjonen skal ein til dømes forklare ordet "buss", og då kan ein seie: kollektivt køyretøy som fraktar personar, motorisert, stoppar på haldeplassar, og så vidare. I denne Alias-oppgåva skal de forklare fagomgrep utan å bruke sjølve ordet.

Del inn klassen i grupper på fire, som igjen blir delt inn i to par. Då er to og to på lag og speler mot det andre paret i firargruppa. Gi kvar gruppe 18 lappar med fagomgrep. Skjul innhaldet på lappane til dei skal brukast. Kvart lag får eitt minutt per tur til å forklare omgrepa for kvarandre. Dei to som ikkje er på det aktive laget, passar tida. Laget gjettar så mange ord som mogleg på eitt minutt og får eitt poeng for kvart ord dei gjettar riktig. Laga speler annankvar gong heilt til alle lappane er brukte opp. Det laget som har flest riktige, er vinnaren innanfor firargruppa.