Oppgåve

Brukarvennlege nettsider

I denne oppgåva skal de undersøke teknisk utforming og løysingar på nettsider. Er det slik at ny teknologi er teken i bruk for å støtte opp om forbrukaråtferda til dagens kundar? Og har nettsidene ei god brukarvennlegheit som kan bidra til auka sal?

Utklippet viser at ein kunde er inne på ei nettside som tilbyr virtuell prøving av solbriller. Ansiktet til personen er avbilda mens han har på eit av brillepara. På skjermen er det åtte andre variantar av solbriller tilgjengeleg for prøving. Skjermutklipp. — Online-prøving er éin av mange måtar å bruke teknologi på for å gi kundane betre service og ei meir brukarvennleg nettside.

Oppgåve

Vel eit produkt du kunne tenke deg å kjøpe (til dømes sko, mobiltelefon, reise, treningsutstyr eller klede).
Finn minst to ulike nettsider som sel dette produktet.
Beskriv nettsidene kort. Ta med litt om
- meny og navigasjon
- søkefunksjon og filtrering
- informasjon om produktet
- servicefunksjonar (chat, online prøving m.m.)
- handlekorg- og betalingsløysing
- tilpassing til mobil
Vurder brukaropplevinga/UX til dei ulike nettsidene. På kva for ei av nettsidene er det enklast for kunden å finne informasjon og gjennomføre eit kjøp.
Beskriv den typiske forbrukaråtferda for kjøp av produktet ditt.
Kor godt synest du nettsidene er tilpassa dagens forbrukaråtferd? Kva kunne ha vore gjort betre?
Forklar korleis god utforming av ei nettside kan bidra til betre kundeoppleving, sterkare service og auka sal.

Teknologi og KI i sal

Oppgåve