Forklaringsartikkel
Målestokk
Biletet viser ei teikning der målestokken er 1 : 5. Det vil seie at måla på teikninga må gongast med 5. Legg merke til at det i tittelfeltet står "Ikke overførbar til utskrift". Det vil seie at ei utskrift av teikninga ikkje nødvendigvis samsvarer med målestokken. Bilete: Bjørn Dølving / CC BY-SA 4.0
Ein målestokk viser forholdet mellom ei viss lengd på ei teikning og tilsvarande lengd i verkelegheita:
- Dersom målestokken er 1 : 1, er måla på teikninga like store som måla i verkelegheita.
- Dersom målestokken er 1 : 2, svarer til 1 cm på teikninga 2 cm i verkelegheita.