Elektrodesveis

Elektrodesveis er ein sveisemetode der ein dekt kjernetråd leier elektrisk straum mellom ein transformator og sveisegodset. Lysbogen som oppstår mellom elektroden og sveisegodset, gir høg temperatur.

Kjernetråden smeltar og blir overført som dropar til sveisebadet.

Dekket på elektroden smeltar òg ned og oppnår ein kort periode gassfase. Denne gassen vernar smeltebadet mot uheldig påverknad frå oksygen og nitrogen og mot forureiningar frå lufta.

Sveisedekket har ofte tilsetjingsmateriale som inngår i sveisestrengen. Resten av dekket vil ved nedkjøling leggje seg over sveisestrengen som slagg. Slagget blir fjerna med ei slagghakke.