Konflikthandtering i praksisbedrifta

Konfliktar kan oppstå overalt, også i praksisbedrifta di. Det kan oppstå konfliktar mellom tilsette, tilsette og leiaren, eller konfliktar med kundar og leverandørar. Derfor er det viktig å lære om konflikthandtering – sjå filmen frå NRK nedanfor (lengde 02:32).

Oppgåve 1: Handtering av klager og konfliktar

Korleis kan det oppstå konfliktar i praksisbedrifta di?
Kva typar konfliktar kan oppstå i praksisbedrifta di?
Kva konfliktar har du sjølv opplevd eller observert?
Korleis vart disse konfliktane løyste?
Kva tiltak har praksisbedrifta di sett i verk for å førebyggje konfliktar?
Kva tiltak kan bedrifta setje i verk dersom det skulle oppstå konfliktar?

Tips

Om du ikkje har opplevd konfliktar sjølv, kan du stille spørsmåla ovanfor til leiaren din.
Det finst kanskje ei personalhandbok du kan sjå i for å finne ut meir om tiltak og førebygging av konfliktar i praksisbedrifta di.

Oppgåve 2: Rolla di

Lag ei hugseliste til deg sjølv om korleis du kan bidra til å førebyggje konfliktar hos praksisbedrifta di, og forslag til løysingar på konfliktsituasjonar som du fann i oppgåve 1.