Oppgåve

Bli ein opplevingsvert med Airbnb!

Airbnb er eit selskap som driv ein nettbasert marknadsplass for overnatting der folk kan leige ut heile eller delar av heimen sin. Men visste du at dei òg formidlar andre tenester, som du kan tene pengar på?

Nettsida til Airbnb som viser eit opplyst telt i eit mørkt landskap. Under teltet står teksten Not sure where to go? Perfect. I'm flexible. Øvst på biletet står det airbnb, og ved sida av er det eit søkefelt der det står Start your search. Skjermutklipp. — Med Airbnb kan du faktisk tene pengar på å ta med turistar og andre på aktivitetar du elskar!

Oppgåve i grupper

Les korleis de kan bli vertskap for ei oppleving på Airbnb.
Diskuter kva for aktivitetar de elskar, og som de kunne ha tenkt dykk å tilby på Airbnb. Det kan vere aktivitetar eller opplevingar som krev personleg oppmøte, eller som er nettbaserte.
Bli einige om ein aktivitet eller ei oppleving.
Lag ein plan for korleis den valde aktiviteten eller opplevinga kan bli ei reiselivsoppleving for andre. Planen må innehalde ei skildring av
- temaet for opplevinga
- kvalitetsstandardar for opplevinga
Temaet kan til dømes vere natur, camping, dyr, kunst, kultur, sightseeing, sport, matlaging, matsafari, underhaldning eller noko anna. Kvalitetsstandardane skal beskrive ekspertisen dykkar, kva for nokre lokale sider ved aktiviteten dykkar som gir ei unik oppleving, og korleis de får deltakarane til å kjenne seg velkomne og trygge.
Lag ein presentasjon av forslaget dykkar. Hald presentasjonen for klassen og få tilbakemeldingar.
Reflekter i fellesskap over fordelar og ulemper med sjølvstendige vertar for ulike aktivitetar og opplevingar i reiselivstilbodet. Ville de sjølv ha nytta dykk av eit slikt tilbod?

Ressursar for opplevingsvertar, airbnb.no

Korleis skape opplevingar i norsk og samisk kultur?

Oppgåve i grupper