Samarbeid i helseserviceyrka

1. Fullfør setningane

Vel rett ord for å fullføre setningane.

2. Rollespel: personalmøte

Tverrfagleg samarbeid i helseserviceyrka byrjar allereie på arbeidsplassen. Regelmessige personalmøte der de diskuterer aktuelle saker, er viktig for eit godt arbeidsmiljø og trivsel. I denne oppgåva skal de jobbe i grupper på fem eller seks elevar. De skal lage eit rollespel med eit personalmøte.

Førebuing

• Bestem om møtet skal finne stad på eit legekontor, ein tannklinikk, eit sjukehus eller eit apotek.

• Fordel rollene. Den som skal vere leiar, lagar ei saksliste i samarbeid med gruppa og sender møteinnkalling via e-post. Sakslista kan omfatte tema som fordeling av arbeidsoppgåver, utfordringar med vareleverandørar, trivselsreglar, kursplanlegging eller sosialt samvær.

• Lag eit manus der alle bidreg med innspel til sakene. Målet er at i møtet skal det utvikle seg ein diskusjon med utgangspunkt i manus, slik at samtalen blir dynamisk og ikkje heilt føreseieleg, samtidig som det er profesjonell og strukturert kommunikasjon. Kvar elev skal i tillegg skrive eit eige manus for å førebu seg på rolla si i møtet.

Gjennomføring

Gjennomfør rollespelet. Ein elev skriv møtereferat undervegs. Under rollespelet skal de legge særleg vekt på profesjonell kommunikasjon.

Refleksjon

Etter rollespelet diskuterer gruppa korleis det gjekk.

• Korleis opplevde de rollene de fekk tildelt?

• Vart møtet strukturert og effektivt gjennomført?

• Oppstod det misforståingar? Korleis vart dei løyste?

• Kjende alle seg høyrte og respekterte under diskusjonen?

• Korleis påverka kroppsspråk og tone kommunikasjonen?

• Ville de handtert møtet annleis i ein verkeleg arbeidssituasjon? I så fall korleis?

• Kva lærte de om samarbeid og kommunikasjon i ein profesjonell samanheng?