Alle har si historie
Kan du gi døme på hendingar i ditt eige liv som har påverka deg til å bli den du er? Del gjerne døma dine med ein medelev. Diskuter kva som gjorde at desse hendingane pregar dykk.
Kan du gi eit døme på ei eller fleire større hendingar i Noreg eller i verda som du meiner har vore med på å prege livet ditt?
Kan du finne nokon døme på større hendingar i Noreg som du trur har vore med på å prege livet til dei som er over 70 år i dag? Del døma dine med ein medelev, og diskuter kvifor og på kva måte de trur desse hendingane har prega livet til dei eldre.
I denne oppgåva skal de intervjue eit eldre menneske. Personen bør helst vere over 70 år. Føremålet med intervjuet er å hente inn historier som har vore med på å prege livet til denne personen.
Lag spørsmål til intervjua.
Spør om å få ta bilete av den de intervjuar.
Spør om personen har nokre bilete frå hendingane dei fortel om, og om de kan få skanne desse for å ha dei med i presentasjonen.
Lag ein presentasjon av intervjuet, og del han med klassen.
Kva likskapstrekk finn de mellom intervjua? Kvifor trur de det er slik?
Kva nytte har ein helsefagarbeidar av å lytte til historiene til andre?
Korleis kan de vise respekt for historiene til andre?
Relatert innhald
For å vise den andre at du er interessert og ønskjer å forstå, må du lytte aktivt til det den andre prøver å formidle både med ord og med kropp.
For å skape gode relasjonar i helsearbeid må vi sjå mennesket vi møter. Vi må kommunisere med mennesket og ikkje med ein pasient eller brukar.