Medium og manipulasjon
Sjå NRK-programmet "Folkeopplysningen: Make Lillestrøm great again" saman eller åleine.
Spørsmåla under er i kronologisk rekkefølge. Stopp og svar på spørsmåla undervegs, skriftleg om du jobbar åleine, munnleg om de ser han saman.
Rektor sa ja til å delta i eksperimentet fordi han meinte det var mykje god læring i dette. Svaret hans var ja – kva meiner de?
Kven er Espen Teigen og Sindre Beyer? Oppsummer råda om kommunikasjon med veljarar, som Andreas Wahl får frå desse to.
Kvifor bestemmer dei seg for å lage ein meme-konto på Instagram?
Korleis vart Facebook brukt under USA-valet? Korleis bruker Folkeopplysningen Facebook?
Kva seier Tore Tennøe om korleis vi blir manipulerte i sosiale medium? Kven står bak, og kvifor gjer dei dette? Er du overraska over det Tennøe seier?
Kva seier Bente Kalsnes om falske nyheiter i Noreg? Kven står bak, og kva er målet deira? Kva seier Kalsnes om unge mediebrukarar og kjeldekritikk?
Korleis kan du kjenne igjen falske nyheiter?
Falske nyheiter kan påverke eit val, sjølv om dei blir avslørte, seier Sverre Diesen. Kan det som skjedde under USA-valet i 2020 støtte det han seier?
Djupfeik-teknologi (deepfake-teknologi) blir nemnt som ein framtidig trussel. Korleis trur de denne teknologien kan brukast til å påverke og manipulere demokratiet i framtida? Kva kan gjerast for å forhindre dette? Sjå videoen under viss du vil vite meir om djupfeikar.
Telenor Norge på YouTube: Dette er Deepfake - og derfor kan det være farlig
Trur de eksperimentet hadde hatt eit anna utfall om deltakarane var i aldersgruppa 40–60?
Kva ville de gjort annleis om de skulle gjenteke eksperimentet på skulen dykkar?
NRK fekk kritikk for programmet. Les om dette i lenkene under. Kva tenker de om kritikken?
Journalisten: Folkeopplysningen fikk både kraftig kritikk og skryt i Kringkastingsrådet