Øvingsoppgåver universell utforming
Tekstfargen må ha minst 4,5 : 1 i kontrastforhold til bakgrunnsfargen for å vere universelt utforma.
A) Lag grafikk og sjekk fargekontrast
Lag ein firkant med bakgrunnsfarge og skriv eit ord i firkanten. Bruk eit grafisk program (gjerne Illustrator).
Kopier opp motivet fem gonger slik at du har seks like motiv.
Gjer endringar på bakgrunnsfargen og tekstfargen slik at du får seks ulike kombinasjonar.
Lagre biletet og last det opp på Adobe Color Contrast Analyzer, eller hent ned Color Contrast Checker (TPGi).
Sjekk kvart bilete og skriv ned kontrastforholdet mellom tekstfargen og bakgrunnsfargen på kvart bilete.
B) Godkjent / ikkje godkjent?
Kva kontrastar er godkjende, og kva for nokre er ikkje godkjende?
Fekk du nokon overraskingar?
Sjå videoen "Algoritme for brunostskive". Videoen er teksta med undertekstar. Dette er til hjelp for dei som kan sjå, men ikkje høyrer eller har på lyden.
No skal du lage eit tekstalternativ til videoen som vil gi meining for nokon som ikkje ser. Lag til dømes eit samandrag.
Last ned biletet under med farga stolpar og små firkantar. Finn ut korleis fargeblinde opplever fargane.
Før du bruker fargeblind-simulator, skal du gjette om du trur denne er tilpassa ein fargeblind person eller ikkje, og vurdere kva fargar som kan vere problematiske.
Bruk Pilestones fargeblind-simulator Color Blindness Simulator, og undersøk korleis fargane blir gitt att til ulike typar fargeblinde. Beskriv kva som skjer, og kva som blir mest ulikt.
Bruk eit grafisk program (gjerne Illustrator) og teikn opp ein liknande modell. Prøv deg fram med andre fargar som du trur passar betre for fargeblinde. Test ut korleis fargeattgivinga blir i fargeblind-simulatoren. Noter ned stikkord.
Bruk taldataa i tabellen om utdanningsnivå i Noreg og lag grafikk der du framstiller tala visuelt samtidig som du tek omsyn til universell utforming.
A) Lag eit stolpediagram eller kakediagram
| Utdanningsnivå | Prosent |
|---|---|
| Grunnskulenivå | 24,8 |
| Vidaregåande skulenivå | 36,9 |
| Fagskulenivå | 3 |
| Universitets- og høgskulenivå | 35,3 |
B) Lag tekst
Grafikken skal brukast i ei nettavis, og for å formidle den visuelle informasjonen må du derfor lage alt-tekst, eit tekstalternativ som formidlar det visuelle innhaldet.
C) Del og forklar
Beskriv kva grep du har gjort for å gjere grafikken universelt utforma. Vis til medelevar og samanlikn korleis de har løyst oppgåva.
Statistisk sentralbyrå. (u.å). Fakta om universitet og høgskoler. Henta 29. april 2022 frå https://www.ssb.no/utdanning/faktaside/universitet-og-hogskoler
Relatert innhald
Finn ut kva som er lurt å ta omsyn til når du skal lage nettinnhald og medieprodukt til personar som har ulike funksjonsnedsetjingar.
Lær kva du må tenke på for å legge til rette for at innhald med bilete blir universelt utforma og tilgjengeleg for så mange som mogleg.