Klima- og CO2-kvotar
MooseAir er eit nyleg starta flyselskap som skal frakte passasjerar mellom ulike destinasjonar i Europa. Flyselskapet er svært klar over dei konsekvensane flytrafikken har for miljøet, og ønskjer å posisjonere seg som eit flyselskap med stort miljøsamvit. Dei tenkjer mellom anna at dei skal inkludere og synleggjere CO2-kvotar for kvar flybillett som blir seld.
I tillegg skal dei berre bruke materiale som kan resirkulerast i flyinteriør, uniformer og produkt som blir brukte i drift under flyginga. MooseAir har investert i nye fly som er bygde i eit spesielt lett materiale, og som er svært slanke og straumlinjeforma, og dei bruker derfor lite drivstoff.
Oppgåve
Set deg inn i flytrafikkbransjen, og skriv ein bakgrunn som gir innsikt i korleis bransjen opererer, og i kva slags miljøutfordringar dei står overfor.
Lag ein marknadsstrategi for MooseAir der du beskriv korleis dei skal marknadsføre seg for å posisjonere seg som det flyselskapet dei vil vere.
Oppgåva bør innehalde
- ei kort oppsummering av problemstillinga og konklusjonen i oppgåva
- innleiing og bakgrunnsinformasjon
- diskusjon og argumentasjon
- ein marknadsstrategi med mål, målgruppeval og ein marknadsplan
- ei oversikt over korleis berekrafts- og miljøpåstandar kan brukast i marknadsføringa i samsvar med lova
- ein eventuell aktivitetsplan som beskriv marknadsaktivitetane i ein gitt periode
- ein konklusjon
Bruk gjerne skjemaet ovanfor når du løyser oppgåva.
Lykke til!