Lykke, levekår, forbruk og berekraft

Relevant fagstoff

For å jobbe med denne oppgåva er det ein fordel å kjenne til bestemt fagstoff og nokre fagomgrep. Her er ei oversikt over relevant fagstoff:

• Kvifor er nokre rike og andre fattige?

• Er Noreg det beste landet å bu i?

• Ulike mål på forbruk og berekraft

• Globale verdikjeder og multinasjonale selskap

1. Vel stader og målemetodar

• Vel éin eller to stader i eit anna land du vil samanlikne Trondheim med. Vel stader du tenker er litt ulike med tanke på levekår og forbruk.

• Vel eit mål for levekår du kan bruke til å samanlikne. Vel mellom HDI, IHDI, HPI eller Gini-koeffisienten.

• Vel eit mål for forbruk og berekraft du kan bruke til å samanlikne. Her kan du velje mellom økologisk fotavtrykk, geografiske klimagassutslepp eller klimaavtrykk.

2. Samanlikn stadene

For å svare på desse spørsmåla må du bruke dei målemetodane du valde i oppgåve 1. Bruk same målemetode for alle stadene og sjå kva du finn.

• Korleis er levekåra dei stadene du undersøker?

• Kor berekraftig er forbruket?

• Finn bilete frå dei ulike stadene som seier noko om levekår, forbruk og berekraft. Det kan til dømes vere bilete av husa folk lever i, gatebilete eller andre bilete som seier noko om korleis folk lever og har det.

3. Drøft samanhengen mellom lykke, levekår, berekraft og forbruk

Bruk bileta og informasjonen du fann i oppgåve 2, til å diskutere følgande:

• Kvar er levekåra best?

• Kvar har dei eit mest berekraftig forbruk?

• Går det an å leve gode, lykkelege liv der?

• Er det mogleg å leve gode liv med gode levekår og samtidig ha eit berekraftig forbruk?

• Må nokre personar i andre land leve mindre gode liv for at vi i Noreg skal kunne kjøpe billige produkt og leve gode liv? Eller kan fordelinga i verda bli meir rettferdig utan at det går ut over oss?