Landbruksdirektoratet

Oppbygging av Landbruksdirektoratet

Landbruksdirektoratet er eit fagdirektorat under Landbruks- og matdepartementet (LMD) og er det utøvande organet til departementet. Det vil seie at det gjennomfører politikk og vedtak som blir bestemt av politiske styresmakter.

Landbruksdirektoratet har tilsette i Oslo, Steinkjer og Alta og er organisert i desse fem avdelingane:

• Digitalisering og organisasjon

• Handel og industri

• Landbruksproduksjon

• Ressurs og areal

• Reindrift

Hovudoppgåvene til Landbruksdirektoratet

Landbruksdirektoratet har ansvar for sentrale delar av landbrukspolitikken i Noreg. Dei tilsette jobbar både med faglege vurderingar og med å setje politiske vedtak ut i livet. Nokre av hovudoppgåvene er:

Rådgiving og utgreiing

Direktoratet

• gir faglege råd til Landbruks- og matdepartementet

• greier ut saker på både fagleg og politisk nivå

• utfører utgreiingsarbeid før og etter jordbruksforhandlingane

Regelverk og retningslinjer

Direktoratet utformar og forvaltar regelverk som blir brukt både regionalt og lokalt. Dei har mellom anna ansvar for utforming og forvaltning av

• retningslinjer og regelverk for bønder

• regelverk for økologisk landbruk

• retningslinjer for mjølkekvotar

• retningslinjer som Mattilsynet og veterinærar bruker i arbeidet

• reglar for jakt og fangst på vilt

Tilskot og støtteordningar

Landbruksdirektoratet har ansvar for fleire økonomiske ordningar innan landbruket. Det inneber til dømes forvaltning av

• tilskot til bønder

• tilskotsordningar i reindrifta

• tiltak og tilskot innan skogbruk

• tilskotsordningar til miljø- og klimatiltak

Oppgåver

1. Finn ut korleis du må gå fram for å søke om tilskot i jordbruk eller skogbruk. Kva er det som trengst for at du skal kunne søke om tilskot?

2. Kva tilskotsordningar kan du søke om i jordbruket?