Regelverk for import av varer
Skatt på importerte varer blir kalla for innførselstoll.
Tollsatsane varierer, men for dei fleste klede er tollsatsen 10,7 prosent (2024). Du finn oppdaterte tollsatsar på Tolletaten.
I tillegg til ein tollsats må vi betale eit fortollingsgebyr når vi importerer varer frå utlandet. Fraktselskapet utfører som regel fortollingsjobben, og tek seg betalt i form av eit fortollingsgebyr.
På varer som blir importerte til Noreg, må vi òg betale 25 prosent meirverdiavgift (15 prosent for næringsmiddel). Toll og eventuelle særavgifter skal òg vere med i grunnlaget for meirverdiavgift.
På nokre varer må vi òg betale særavgifter ved import. Døme på varer som har særavgifter, er alkohol, sjokolade- og sukkervarer, sukker, tobakksvarer og køyretøy.
For nokre varer gjeld spesielle importreglar. I tabellen nedanfor ser du kva for nokre varer dette gjeld, og kva etatar som forvaltar regelverket. Du kan lese meir om regelverket for dei ulike varegruppene på sidene som det er lenker til.
Varer med restriksjonar | Ansvarlege myndigheiter |
|---|---|
Alkohol | Skatteetaten og Helsedirektoratet |
Tobakk | Skatteetaten og Helsedirektoratet |
Næringsmiddel, plantar, frø, dyr | Skatteetaten og Mattilsynet Les om regelverket for næringsmiddel, plantar, frø og dyr på Skatteetaten Les om regelverket for næringsmiddel, plantar, frø og dyr på Mattilsynet |
Truga dyre- og planteartar | Miljødirektoratet Les om regelverket for truga dyre- og planteartar på Miljødirektoratet |
Legemiddel | Statens legemiddelverk |
Avfall | Miljødirektoratet |
Eksplosiv, fyrverkeri og farlege stoff | Direktoratet for samfunnstryggleik og beredskap |
Våpen, våpendelar og ammunisjon | Politiet Les om regelverket for våpen, våpendelar og ammunisjon på Politiet |
Kulturminne, antikvitetar | Riksantikvaren og Kulturdepartementet Les om regelverket for kulturminne og antikvitetar på Riksantikvaren Les om regelverket for kulturminne og antikvitetar på Kulturdepartementet |