Regulering av skilt og dekor i det offentlege rommet

I dag er oppsett av skilt og dekor i det offentlege rommet bestemt av plan- og bygningslova. Lova skal mellom anna sikre universell og estetisk utforming. Under plan- og bygningslova ligg det fleire sektorlover. Desse regulerer kva som kan setjast opp av skilt og dekor:

• kulturminnelova

• veglova

• naturvernlova

Fylkeskommunar og dei enkelte kommunane har lokale tilpassingar etter behov, slik at skilt og dekor blir estetisk tilpassa omgivnadene. Det seier seg sjølv at krava til skilt og dekor i nærleiken av ei stavkyrkje krev ei anna tilpassing enn til skilt og dekor i eit bymiljø.

For å kunne regulere skilt og dekor i det offentlege rommet var det behov for eit felles fagspråk og ein standard for kva som ligg i omgrepet skilt. Dette førte til ei standardisering, og i april 2007 gav Standard Norge ut ein ny versjon av NS 3041 Skilting – Veiledning for plassering og detaljer.

I tabellen under finn du ei oversikt over ulike typar skilt. Dei er grupperte etter kva slags innhald dei har, korleis dei er plasserte, og korleis dei er laga. Ved å følge lenkene får du opp eit bilete og ei forklaring.