Lykkeliten UB – rekneskap og kalkyle

Case

Lykkeliten UB blei etablert 1. september og skal drivast i åtte månader.

Forretningsideen lyder: Vi i Lykkeliten UB ønsker å planlegge og gjennomføre bursdagsselskap for barn frå 4 til 10 år i Vindafjord kommune.

Produktet dei tilbyr, er planlegging, gjennomføring og oppfølging av barnebursdagar i gymsalen på Lundeneset vidaregåande skole. Produktvariantane er: prinsesse, sport, pirat og valfritt tema.

Prisen er sett til 160 kroner per deltakar i barneselskapet. Det overordna målet er å få 20 prosent i forteneste av salsinntekta. Dei kjøper varer frå ulike butikkjeder, som Kiwi og Europris. Produkta dei kjøper, er bakarvarer, brus, pynt, eingongsservise og liknande, i tillegg til alt som trengst for å lage maten til selskapet og det som elles må til for å arrangere bursdagsselskap for barn.

Ungdomsbedrifta er friteken for meirverdiavgift, arbeidsgivaravgift og skatt på grunn av låg omsetning og låg lønn. Timelønn for tilsette i samband med bursdagsselskap som blir arrangerte etter skuletid, er 100 kroner.

Oppgåve 1

Gjer nødvendige berekningar og før rekneskapen. Start med bilag nr. 1. Kontonummer er sette inn i reknearkmalen som skal brukast til bokføring og løysing av oppgåvene.

• Reknearkmal(XLSX)

Økonomiske hendingar

• 2. sept. Selt 2 eigardelar à kr 100 via nettbank

• 2. sept. Betalt registreringsavgift til UE Rogaland kr 200 via nettbank

• 9. sept. Selt 50 eigardelar à kr 100

• 9. sept. Kopiert/betalt 100 infoskriv til utdeling/PR i barnehagar à kr 1 kontant LVS

• 9. sept. Kopiert/betalt 4 plakatark i A3-format til oppslag à kr 10 kontant LVS

• 11. sept. Betalt etableringsgebyr for bankkonto i Haugesunds Sparebank kr 200

• 11. sept. Sett inn kr 4000 på bankkontoen

• 11. sept. Betalt kopi av 15 invitasjonsbrev til første barneselskap à kr 2 kontant LVS

• 11. sept. Kjøpt konvolutt og frimerke til sending av invitasjonane kr 20 kontant LVS

• 16. sept. Kjøpt gåve, pappservise, duk og serviettar på Europris kr 350 kontant

• 16. sept. Kjøpt bakarvarer og brus på Kiwi kr 250 kontant

• 16. sept. Fått faktura for leige av gymsal LVS kr 200, forfall 14 dagar

• 23. sept. Sendt faktura til Thea Olsen for selskap med 15 barn, forfall 14 dagar

• 30. sept. Utbetalt lønn til 5 tilsette à 2 timar à kr 100 via bank

• 30. sept. Betalt faktura for leige av gymsal LVS via nettbank

Oppgåve 2

Avslutt rekneskapen for september. Berekne resultatet, og før balanse.

• Kva blir resultatet i Lykkeliten UB for september?
• Kor stor er eigenkapitalen etter første månad?

Oppgåve 3

1. Set opp ein produktkalkyle for første barneselskap (bidragsmetoden).
2. Svar på desse spørsmåla:

• Kva var inntekta?
• Kor store var varekostnadene?
• Kor store var lønnskostnadene?
• Var det andre direkte (variable) kostnader?
• Kva var summen av dei direkte kostnadene?
• Kva er dekningsbidraget i kroner?
• Kva er indirekte (faste) kostnader i kroner denne månaden?
• Kor stor blei fortenesta i kroner for det første selskapet?
• Nådde dei målet om 20 prosent i forteneste av salsinntekta?
• Kva blei fortenesta i prosent?

Vedlagt løysingsforslag til oppgåva.

• Løysningsforslag(XLSX)