Lag Snapchat-reklame, følg lover og reglar for marknadsføring
Denne artikkelen er i eit fag som følgjer ein utgått læreplan. Versjonen du ser på, kan innehalde utdatert informasjon eller ha andre feil.
Gruppeoppdrag: Lag Snapchat-annonsar, og følg lover og reglar for marknadsføring
I dette gruppeoppdraget skal de produsere reklame på Snapchat, de skal lage reklame-annonsar som blir viste mellom såkalla stories i Snapchat. De må følge lover og etiske retningslinjer for marknadsføring, og det er viktig at reklameannonsane blir merkte på rett måte.
Sett dykk først inn i lover og regelverk: Les artikkelen "Lover og reglar i marknadsføring", og sjå videoen under om merking av reklame i sosiale medium. (Videoen varer i 37 sekund.)
Framgangsmåte
Gå saman i grupper på tre. De skal lage Snapchat-annonsar for eit valfritt produkt.
Hent inspirasjon og studer ulike reklameannonsar på Snapchat. De kan til dømes gå inn på VGs Snapchat-kanal og sjå kva reklamar som er publiserte i dagens utgåve.
- De skal lage ein serie på tre ulike annonsar for det same produktet.
Bruk Snapchat-formatet til produksjonen.
- Reklameannonsane skal ta i bruk ulike visuelle element (bilete, video, tekst, farge, form). I tillegg kan de nytte dykk av ulike rettsklarerte lydkjelder.
- Kven er avsendar? Dette må vere tydeleg i annonsen.
- Bodskapen må komme fram på ein klar og tydeleg måte, og det skal treffe målgruppa.
I produksjonen må de følge norske lover og normer for marknadsføring. Det er viktig av Snapchat-annonsane får rett merking.
Presenter Snap-reklamane for resten av klassen. De kan lage ei klassegruppe på Snapchat og publisere annonsane der.