Fag

Emne

Konkurransemiddelet marknadskommunikasjon

Oppgåve

Video

Bruk AIDAS-modellen

I denne oppgåva skal du nytte AIDAS-modellen til å analysere ein reklameannonse og ein reklamefilm for Lerum.

Oppgåve 1

Forklar, med eigne ord, kva som blir meint med AIDAS-modellen.

Kort om AIDA-modellen

AIDA er ei forkorting for ein mykje brukt modell i reklamebransjen. Bokstavane står for

Attention – merksemda til forbrukaren blir vekt
Interest – forbrukaren blir interessert i bodskapen eller produktet
Desire – eit ønske eller eit behov oppstår hos forbrukaren
Action – forbrukaren gjer det annonsøren ønskjer, for eksempel kjøper ei vare

Oppgåve 2

Gjer greie for kva grep du meiner Lerum har gjort i reklameannonsen nedanfor for å skape merksemd og interesse hos målgruppa. Vis til konkrete døme.
Vurder i kva grad du meiner reklameannonsen er utforma på ein formålstenleg måte med tanke på å få målgruppa til å ønskje og kjøpe produktet. Grunngi.

Reklameannonse for Lerum eplejus. Illustrasjon. — Reklameannonse frå Lerum

Tekst frå reklameannonsen for Lerum eplejus

I saftbygda i Sogn har me vore særs opptekne av frukt og bær i over 100 år. Då er det kanskje ikkje så rart at produkta frå Lerum blir så gode. Eplejusen vår er laga av den finaste frukta, som er pressa når ho er på sitt aller beste. Prøv vår friske eplejus i ny pakning, kanskje du får litt frukt på hjernen du og.

Oppgåve 3

Gjer greie for kva grep du meiner Lerum har gjort i reklamefilmen nedanfor (lengde 0:45) for å skape merksemd og interesse hos målgruppa. Vis til konkrete døme.
Vurder i kva grad du meiner reklamefilmen er utforma på ein formålstenleg måte med tanke på å få målgruppa til å ønskje og kjøpe produktet. Grunngi.

Reklamefilm frå Lerum. Video: Lerum / Avgrensa gjenbruk

Oppgåve 4

Tenk deg at du har fått i oppdrag å ta ansvar for Lerums marknadskommunikasjon for ein ny type eplenektar med eit ungdommeleg design på flaskene.

Vurder kva kommunikasjonskanalar du ville ha nytta i marknadskommunikasjonen for den nye eplenektaren.
Lag forslag til utforming av bodskap og eventuelt slagord. Lag gjerne ei skisse for designet av flaska òg.

Relatert innhald

Marknadsføringsmodellen AIDAS

Ei kort innføring i marknadsføringsmodellen AIDAS.

Kva ønskjer vi å seie til målgruppa vår?

For å nå målgruppa må vi ha ein bodskap og utforme annonsane slik at dei blir lagde merke til. Målgruppa skal ønskje å vite meir eller ønskje å kjøpe.