Varmeberekning

Varmeberekning av ulike rom tek omsyn til fleire faktorar:

• kvar bustaden ligg (geografisk)
• kor ny/gammal bustaden er
• kor mange ytterveggar bustaden har
• vindaugsflater/kaldloft/bakkekontakt
• typen rom / bruken av rom

Varmeberekning av SOV 1

Målestokken på teikninga er oppgitt til 1 : 50. Eg måler langveggen til 6 cm og kortveggen til 4 cm (avhengig av oppløysinga og storleiken på skjermen). Langveggen er då 3 m, og kortveggen er 2 m. Arealet blir $$ 3·\mathrm{2\; =\; 6} m^2$$.

Informasjon: Frittståande hus oppført i 1966, ikkje etterisolert, ligg i Moss. Huset har kaldt loft og er ikkje godt isolert frå bakken. På grunn av desse forholda vel eg her $$ 80 {\mathrm{W/m}}^2$$.

Eksempel 2

Varmebehov i SOV 1: $$ 80 {W/m}^2· 6 m^2= 480 W$$

Målestokken på teikninga er oppgitt til 1 : 50. Eg måler langveggen til 6 cm og kortveggen til 4 cm (avhengig av oppløysinga og storleiken på skjermen). Langveggen er då 3 m, og kortveggen er 2 m. Arealet blir $$ 3·\mathrm{2\; =\; 6} m^2$$.

Informasjon: Blokkleilegheit oppført i 2006, ligg i Moss. Leilegheita er i midtseksjonen i tredje etasje (av fem). I dette tilfellet har leilegheita berre to ytterveggar. Bueininga får her varme frå både høgre og venstre, og dessutan frå under og over. Varmebehovet blir derfor betrakteleg mindre enn i eksempel 1. På grunn av desse forholda vel eg $$ 50 {\mathrm{W/m}}^2$$.

Varmebehov i SOV 1:

${\mathrm{50\; W/m}}^2·{\mathrm{6m}}^2=\; 300\; W$

Varmebehovet på eit bad blir sett til ca. 100 W/m² (tommelfingerregel). Du bør kanskje auke denne verdien litt i eksempel 1, og minske han litt i eksempel 2.

Når du har varmeberekna eit rom, vel du ei eigna varmekjelde og vel rett storleik på kjelda frå ein leverandørkatalog.