Arbeidsoppdrag
Kan du feilsøkje på varmeomn?
I denne oppgåva skal du gjere nokre målingar på den elektriske installasjonen du har montert. Du skal utføre straummåling, spenningsmåling, resistansmåling og effektmåling. I samband med oppkoplinga i dette læringsoppdraget, oppstår det ein del feil.
Måling med multimeter på printkort. Bilete: NTB scanpix, Science Photo Library / CC BY-SA 4.0
Du har kopla opp ein reflektoromn. Det står stempla på omnen at han har 500 W som full effekt. Du har òg funne ut at omnen har to like element. Spenninga er 230 V.
- Når du startar omnen, verkar han ikkje slik han skal. Du måler 212Ω både i trinn 2 og 3. I trinn 1 måler du uendeleg ohm. Kva kan vere feil her?
- Kva straumverdi måler du i dette tilfellet i dei forskjellige trinna?
- Dersom omnen hadde vore i orden, kva straumverdiar skulle du då ha målt i dei forskjellige trinna?
Etter at du har kopla opp ein stråleomn på 600 W, viser det seg at det er brot i det eine elementet. Omnen har to ulike element, og du bruker reguleringsvendar 29 på denne. Spenninga er 230 V. I trinn 1 gir omnen litt varme, og du måler ein straum på 0,87 A.
- Kor stort er det minste og det største elementet i denne omnen (i watt)?
- Kor stor blir straumen i trinn 2?
- Kva skulle motstanden og straumen blitt i trinn 3 dersom omnen hadde vore i orden?