Oppgave
Handtering av krampar
Den vanlegaste årsaka til krampar med nedsett medvit er epilepsi. I denne oppgåva kan du øve på kva du skal gjere dersom du kjem over ein person med krampar.
Eit slikt ID-kort kan gjere det enklare å hjelpe ein person med krampar. Kortet beskriv at vi skal ta tida frå anfallet startar, ikkje putte noko i munnen, verne kropp og hovud, redusere risiko for skadar under anfall og ringe 113 ved anfall som varar over fem minutt. Bilete: Jon Olav Nesvold / CC BY-NC 4.0
- Gå saman to og to og diskuter korleis de vil gå fram viss de ser ein person som får krampar.
- Lag eit rollespel der ein av dykk speler ein person med krampar og den andre hjelper. Demonstrer korleis du som hjelpar vil gå fram for å hjelpe personen som har fått krampar.
- Kvifor er det gunstig å ta tida på anfallet?
- Korleis vil du handtere det viss personen har slått seg i fallet?
- Er framgangsmåten alltid den same, òg uavhengig av alderen til ein person?
- Kva andre symptom enn krampar kan personar med epilepsi få?
Relatert innhald
Fagstoff
KramparKrampar er når muskulaturen strammar seg og anten rykkjar eller blir heilt stiv. Epilepsi er den vanlegaste årsaka til krampar med tap av medvit.