Korleis få til ein god diskusjon?

Del 1: Før du ser filmen

• Liker du å diskutere, eller skygger du helst unna? Grunngi svaret ditt.
• Kva meiner du skal til for at ein diskusjon er god?
• Kva vil det seie å lytte til kvarandre i ein diskusjon?

Del 2: Se filmen (lengde 4:42)

Kva meiner Ingunn Solheim skal til for å få gode debattar? Skriv dette ned som punkt. Er du samd med henne? Utdjup svaret ditt.

Del 3: Den retoriske situasjonen

"Den beste debatten er utanfor studio, på bakrommet", seier Ingunn Solheim om erfaringane sine med å lage debattprogram for NRK. Vi kan seie at den retoriske situasjonen påverkar korleis deltakarane argumenterer.

• Les fagartikkelen "Den retoriske situasjonen".
• Bruk fagomgrepa til å beskrive forskjellar og likskapar mellom studiodebatten og debatten på bakrommet. Ser du noko som kan forklare kvifor diskusjonen blei betre på bakrommet?
• Er det forskjell på diskusjonane du har på skulen, heime eller blant vener? Kva er den viktigaste årsaka?

Del 4: Finn ei løysing

Debattklimaet har blitt tøffare, med personangrep og hatske diskusjonar på sosiale medium.

I grupper:

• Diskuter dykk fram til løysingar på dette problemet. Gå gjerne ut av klasserommet for å diskutere, til eit mindre formelt rom, slik Ingunn Solheim gjer det i "Einig".

• Korleis var det å diskutere i små grupper utanfor klasserommet samanlikna med klasseromsdiskusjonar? Fordelar og ulemper?

Del 5: Øv på å lytte

I grupper:

Prøv ut det Solheim seier om å verkeleg lytte til kvarandre, ved å diskutere denne påstanden frå "Einig"-programmet om rasisme:

Kvardagsrasisme er ganske vanleg i Noreg. Samd?