Oppgåve

Konfliktløysing ved å nytte femtrinnsmodellen

Femtrinnsmodellen er ein konfliktløysingsmodell som kan vere nyttig dersom du skal takle ein situasjon der det er risiko for konflikt. I denne oppgåva skal du, med utgangspunkt i to situasjonsskildringar, nytte denne femtrinnsmodellen.

To menn i skjorte og slips står delvis skjult bak kvar sin skiljevegg på ein arbeidsplass og dreg i kvar sin ende av eit tau. Foto. — Enkelte gonger kan ein konflikt utvikle seg og eskalere. I slike tilfelle kan konfliktløysingsmodellen vere nyttig.

Oppgåve 1

Konfliktløysingsprosessen blir gjerne delt inn i fem fasar og er derfor kalla "femtrinnsmodellen". Gjer greie for denne modellen, som du kan lese meir om i den relaterte artikkelen "Konfliktløysingsmetoden – ein femtrinnsmodell".

Oppgåve 2

Nytt femtrinnsmodellen til å beskrive korleis dei to situasjonsskildringane nedanfor kan handterast.

Gå gjerne saman i par og lag rollespel som de viser fram i klassa.

Skildring av to situasjonar med konfliktrisiko

Av omsyn til smittevern under koronapandemien ber ein servicemedarbeidar ein nærgåande person utan munnbind om å ta eit steg tilbake. Vedkomande gir tydeleg uttrykk for å vere ueinig i koronatiltaka, hissar seg veldig opp og kallar servicemedarbeidaren maktsjuk.

Ein vektar finn ein ruspåverka person sovande utanfor inngangen til ein butikk i gågata. Personen har rota veldig rundt seg. Når vektaren vekkjer personen, blir han frykteleg tverr og verkar truande.

Relatert innhald

Konfliktløysingsmetoden – ein femtrinnsmodell

Her skal vi sjå på ein konkret metode med fem trinn som du kan bruke dersom du skal takle ein situasjon der det er risiko for konflikt.

Konflikthandtering

Oppgåve 1

Oppgåve 2

Relatert innhald