Sirkulasjon i brønnen (boresimulator)

Øvinga i hovudtrekk

Når vi borar, må vi alltid sirkulere væske i brønnen. Derfor skal du først klargjere overflateutstyret for sirkulasjon. Når du startar pumpene, blir væske sirkulert innvendig i borerøyra, ned i brønnen, ut i ringrommet og opp til slambehandlingsutstyret på overflata.

Denne øvinga handlar om å starte sirkulasjon riktig, lese av trykk, omdirigere returen gjennom BOP-en og observere korleis trykket utviklar seg når vi tek returen ut gjennom chokeline.

Klargjering av sirkulasjonssløyfa

Sirkulasjonssløyfa går frå pumpene til standpipe manifold, til top drive, inn i borestrengen, ut gjennom dysene i borekrona, ut i ringrommet (brønnen) og opp til returlinja på overflata.

Når vi skal klargjere for sirkulasjon, må vi setje ventilane på standpipemanifolden i rett posisjon og passe på at ventilane i BOP-en står i open posisjon slik at det er ope frå pumpa til brønnen og frå ringrommet til overflateutstyret.

Trykkavlesing

Først finn du eit måleinstrument på drillers panel som viser leveringstrykk i systemet, og eit måleinstrument som viser returtrykket. Trykket på leveringssida kan målast ved pumpene, i standpipe manifold og i top-drive-overgangen til borerøyra.

Når BOP-en blir stengd rundt borestrengen, må vi opne chokeline-ventilane slik at returen kjem til overflata gjennom chokemanifolden. Målepunktet for returtrykk ligg i chokeline føre chokeventilen. Det betyr at vi kan måle kor mykje trykk som oppstår når vi strupar innvendig i choken.

Når du skal samanlikne trykkutvikling i ulike situasjonar, er det viktig at du vel eitt avlesingspunkt for leveringstrykket (drillpipe pressure) og eitt for returtrykket (casing pressure) og bruker det same under heile øvinga.

Simulatorøving – måling av friksjonstrykk

Del 1: Klargjering av manifoldar

Klargjering handlar om å setje ventilar i rett posisjon og stadfeste (verifisere) at det stemmer, før ein startar pumpene.

Klargjer standpipemanifolden og standpipe slik at væska har fri bane frå pumpa til top drive.

• Klargjør BOP-ventilane på BOP-panelet slik at returslamstraumen går opp til retur-flowline.

• Sjekk at ventilar er stilte inn riktig.

Del 2: Sirkulasjon opp riseren

Pass på at slammet som blir brukt, er 1,25 sg.

• Start pumpa, og bring ho opp i 40 SPM.

• Les av leveringstrykket og returtrykket, og noter resultatet.

• Senk pumperaten til 30 SPM, og noter resultatet.

• Stans pumpa.

Diskuter

1. Kva skjedde med leveringstrykket når pumperaten blei endra?

2. Forklar verdien på returtrykket.

Del 3: Klargjering for retur gjennom chokeline

• Steng BOP-ventilen på BOP-panelet slik at returslamstraumen går til chokeline.

• Klargjer chokemanifolden slik at slamstraumen går gjennom ein av dei fjernopererte strupeventilane til mud-separatoren.

• Still choken fullt open på chokepanelet.

• Sjekk at ventilar er stilte inn riktig.

Del 4: Returstraum gjennom fjernoperert choke

Pass på at slammet som blir brukt, framleis er 1,25 sg.

Teikn ein tabell som vist her.

• Start pumpa og bring ho opp i 40 SPM. Les av trykk og returtrykk, og noter i tabellen.

• Still inn choken etter kolonnane i tabellen.

• Stans pumpene når heile tabellen er fylt ut.

Del 5: Refleksjon

Tenk gjennom øvinga, og set ho inn i ein brønnkontrollsituasjon (kick som skal sirkulerast ut).

Kvifor er det viktig å verifisere at klargjeringa av manifoldar og ventilar er riktig, før pumpa blir starta?

Drøft avlesingane. Korleis påverka chokeopninga trykket?

Kva betydning har trykket som blir skapt i chokeline, på botntrykket?

På kva annan måte kan trykket aukast på botnen av brønnen?

Når er det aktuelt å stengje BUP og sirkulere returen gjennom chokemanifolden?

Øvinga kan skrivast ut frå dette dokumentet:

• Simulatorøving om sirkulasjon og friksjon(PDF)