Lær om boreslam
Ulike borevæskenamn
Borevæske har fleire namn som vi bruker litt om kvarandre:
boreslam
slam
mud (engelsk)
drilling mud (engelsk)
Lær om boreslam
Borevæska blir sirlulert med store slampumper frå tank, til brønn. Frå brønnen går væska gjennom eit reinsesystem og deretter tilbake til tanken.
Sirkulasjonssystem på rigg
Boreslam sirkulerer ned gjennom borestrengen, ut i ringrommet og opp til overflateutstyret på riggen.
Trykk på klikkpunkta i illustrasjonen under for å få meir informasjon.
Testing i lab
I laboratoriet blir borevæske miksa i mindre volum for å sjekke eigenskapar som densitet, viskositet og bereevne (gelstyrke).
Kva er borevæske laga av?
Vassbasert slam er ein type borevæske
Saltvatn er basis for vassbasert borevæske.
Viskositetsmaterialet (bentonitt og polymerar) gjer at borevæska blir tjukk og seig. Ei seig eller viskøs borevæske løfter borekaks til overflata.
Vektmateriale (barytt): Vekta til borevæska verkar mot trykket frå formasjonen det blir bora i.
Kjemikalie: Av og til er det naudsynt å bruke spesialkjemikaliar for å sikre boreholet.
HMS
Vassbasert borevæske er minst skadeleg for det fysiske arbeidsmiljøet.
Støv og søl gjer det viktig å bruke hanskar og ansiktsmaske når vi jobbar med borevæsker.
Oljebasert borevæske blir berre brukt i spesielle situasjonar.
Oljebasert borevæske er skadeleg for menneske og livet i havet.
Kva for eigenskapar er viktige for borevæske?
Viskositet
Borekaks må ut av brønnen for at det ikkje skal bli liggande i holet og blokkere for borekrona og vidare boring.
For å ta borekakset med seg til overflata må borevæska ha høg viskositet.
Viskositeten blir auka ved å tilsetje bentonitt og polymerar.
Slamvekt
Vekta av borevæska hindrar at formasjonstrykket kjem inn i brønnen.
Vekta på borevæska blir auka ved at det blir tilsett vektstoff, barytt, slik at trykket i brønnen balanserer trykket i formasjonen.
Vil du jobbe med boreslam?
Vel fordjupinga boreoperatørfaget, bore- og vedlikehaldsoperatør.
Relatert innhald
Borevæskens funksjoner skal sørge for at boreprosessen skal være mest mulig effektiv og sikker. Tilsetningsstoff skal ikke skade miljø eller mennesker.