Oppgåve

Kontorvikar AS utfører budsjettkontroll

Janne og Stine i Kontorvikar AS er godt i gang med bedrifta si. Dei har laga resultatbudsjett og ferdigstilt rekneskapen for første halvår av 20xx. For å få best mogleg forståing av økonomien i bedrifta skal dei no utføre ein budsjettkontroll.

Denne sida er arkivert. Innhaldet kan vere utdatert.

Jente arbeider med headset og to skjermar. Foto. — Janne har hatt vikaroppdrag for Altabygg AS.

Om Kontorvikar AS

Janne og Stine har nettopp teke fagbrev i service- og administrasjonsfaget. Dei veit at lokale bedrifter treng ekstra tilsette i travle periodar. Derfor har dei oppretta sitt eige AS, som skal selje administrasjons- og rekneskapstenester.

Verken Janne eller Stine har godkjend rekneskapsutdanning enno. For å få det må dei ta ein bachelor i administrasjon og økonomi med vekt på rekneskap. Dei kan likevel leigast inn av bedrifter for å gjere enkle oppgåver, så lenge rekneskapsarbeidet deira blir kontrollert av ein rekneskapsførar.

Kontorvikar AS er lokalisert i Alta og skal derfor ikkje betale arbeidsgivaravgift.

Resultatbudsjettet og resultatrekneskapen for Kontorvikar AS for januar–juni 20xx:

Resultatbudsjettet og resultatrekneskapen for januar–juni
Kalkulasjon	Resultatbudsjett i kr	Resultatrekneskap i kr
Salsinntekt	650 000	520 250
– varekostnad (løn)	500 000	498 000
= bruttoforteneste	150 000	22 250
Husleige	48 000	48 000
Forsikringar	6 000	6 000
Telefon	0	17 000
Marknadsføring	9 000	7 000
Andre driftskostnader	12 000	9 500
Rentekostnader	3 000	3 000
= sum faste kostnader	78 000	90 500
Resultat	72 000	–68 250

Arbeidsbok

Arbeidsbok budsjettkontroll for Kontorvikar(XLSX)

Oppgåve

Last ned arbeidsboka og opne ho i Excel.
Set inn tal i budsjett og rekneskap og rekn ut prosent av salet.
Rekn ut avvik i kroner og prosent.
Kommenter avvika.

Løysingsforslag

Løysingsforslag budsjettkontroll for Kontorvikar(XLSX)