Kontor- og administrasjonsmedarbeidarar gjennomfører mange oppgåver ved hjelp av IKT. Typiske oppgåver er å registrere personalopplysningar, kalle inn til møte, arkivere dokument, føre postjournalar og å registrere sjukmeldingar, timelister, ferielister og annan informasjon som legg grunnlaget for korrekt lønn. Ein kontor- og administrasjonsmedarbeidar må kunne fleire IKT-system.
Jan arbeider som kontor- og administrasjonsmedarbeidar for ei større handelsbedrift. Dagleg må han organisere møte, tinge møterom og ordne med mat. For at han ikkje skal gløyme noko, har Jan laga seg ei sjekkliste.
For å halde styr på alle avtalane legg han dei inn i kalenderen i e-postsystemet sitt. Han bruker også e-postsystemet til møteinnkallingar. Saman med møteinnkallinga sender han ut saklista. Alle møtedeltakarane må stadfeste på e-post om dei kan møte eller ikkje. Når Jan veit kor mange som skal vere med på møtet, reserverer han møterom.
Forslag til øving
Tenk deg at du arbeider i Statoil, eller ei anna bedrift du kjenner. På kort varsel får du ein førespurnad frå ein skuleklasse om dei kan komme på omvising neste dag.
- Kva vil du gjere?
- Korleis vil du svare?
CC BY-SASkrive av Gunnar Ottesen. Rettshavarar: NKI Forlaget og Amendor AS
Sist fagleg oppdatert 05.07.2017