Søkjarliste
Det er til stor hjelp å registrere alle søknadene i ei søkjarliste basert på kandidatens søknad, vitnemål og attestar. Ei søkjarliste kan sjå slik ut:
Namn | Alder | Adresse | Utdanning | Praksis |
---|---|---|---|---|
Ei slik oversikt lettar det vidare arbeidet og gjer det lett å markere korleis den enkelte søkjaren ligg an samanlikna med dei andre. Når det er behov for det, kan vi hente fram meir detaljerte opplysingar frå vedlegga.
Alle søkjarane bør få ei stadfesting på at søknaden er motteken, og beskjed om når dei kan forvente tilbakemelding.
Ei grovsortering vil vise kven som er uaktuelle. Desse bør straks få eit høfleg avslagsbrev. Det er hensynsfullt å sende alle vedlegga i retur, slik at dei kan brukast på nytt.
Gruppearbeid
Diskuter det same som over, men no er det ei stilling som seljar innanfor bilbransjen som er utlyst.
Kva kriterium har endra seg? Er det alltid utdanning det skal leggjast mest vekt på?